पूर्व सूचना तथा सञ्चारमन्त्री तथा काेशी प्रदेश पूर्व मुख्यमन्त्री शेरधन राईलाई साकेला गाउँपालिकामा स्वागत गर्नुहुँदै अध्यक्ष रवि प्रकाश राई, उपाध्यक्ष बिर्सका राई लगायत जनप्रतिनिधि तथा कर्मचारीहरु । साकेला गाउँपालिकामा भईरहेकाे विकास प्रयासबारे मुख्यमन्त्री राईले चासाे व्यक्त गर्नुहुँदै आफ्नो तर्फबाट साकेला गाउँपालिकाकाे समृद्धिकाे लागि सक्दाे पहल गर्ने प्रतिवद्दता व्यक्त गर्नुभएको छ । साथै उहाँले निर्माणाधीन प्रशासकीय भवन र मानेभञ्ज्याङ पार्ककाे समेत अवलोकन गर्नुभएको छ ।

खोटाङको साकेला गाउँपालिकाले विभिन्न कार्यक्रमको आयोजना गरेर मार्च ८ अर्थात ११४ औं ‘अन्तर्राष्ट्रिय महिला दिवस’ मनाएको छ । यस वर्ष ‘महिलामा लगानी- सभ्य र समुन्नत समाजको थालनी’ भन्ने नाराका साथ गाउँपालिका अध्यक्ष रवि प्रकाश राईको प्रमुख आथित्यता र गाउँपालिका उपाध्यक्ष बिर्सिका राईको अध्यक्षतामा महिला तथा बालबालिका शाखाको संयोजनमा विभिन्न कार्यक्रम गरि महिला दिवस मनाईएको हो । महिला दिवसको अवसरमा साकेला गाउँपालिकाले पहिलो पल्ट ८० वर्ष उमेर पुरा भएका जेष्ठ महिलाहरुलाई दोसल्ला ओढाएर सम्मान गरेको छ । वृद्ध अवस्थाका जेष्ठ महिलाहरुले समाज परिवर्तनका लागि खेल्नुभएको भूमिका र योगदानको उच्च मूल्याङ्कन

गाउँपालिकाभित्र निर्माण भईरहेका विकासका पूर्वाधारको क्षेत्रमा काम गर्ने श्रमिकहरुले पारिश्रमिक नपाएको गुनासो आईरहँदा निर्माण कम्पनीसँग पारिश्रमिक उठाएर श्रमिकलाई उपलब्ध गराउन पालिका सरकार लागि परिरहेको हो । यसै क्रममा, गाउँपालिकाको गौरवको आयोजना मानिएको साप्सुखोला–मानेभञ्ज्याङ–तावाभञ्ज्याङ पाँचधारे सडक निर्माणको क्रममा संलग्न भएका स्थानीय श्रमिकहरुको ज्याला भुक्तानी नगरेपछि गाउँपालिकाले तत्काल ज्याला रकम भुक्तानी गराउनको लागि सम्बन्धित निर्माण कम्पनीसँग र कामदारबीच चारवुँदे सम्झौता गराएको छ ।

निर्माणाधीन साकेला गाउँपालिकाकाे प्रशासकीय भवन । अगाडि र पछाडिबाट ।